नेपाली क्रिकेट टोलीको घोषणा

काठमाण्र्डौ, माघ ७ गते । रातो तारा डट कम,संयुक्त अरब एमिरेट्स यूएईमा हुने क्रिकेट प्रतियोगिताका लागि नेपाली राष्ट्रिय क्रिकेट टोलीको घोषणा भएको छ । पारस खड्काको कप्तानीमा १६ सदस्यीय टोलीको घोषणा भएको हो । टोलीमा पहिलो पटक भीम सार्की, पवन सर्राफ, अभिनाश बोहोरा र सन्दीप जोरालाई छनोट गरिएको छ ।

अन्य खेलाडीहरुमा उपकप्तान ज्ञानेन्द्र मल्ल, बसन्त रेग्मी, विनोद भण्डारी, दिपेन्द्रसिंह ऐरी, करण केसी, ललित नारायण राजवंशी, आरिफ शेख, प्रदीप ऐरी, रोहितकुमार पौडेल, सोमपाल कामी र सन्दीप लामिछाने रहेका छन् ।

नेपालले माघ ११ गते देखि १४ गतेसम्म तीन वटा एक दिवसीय र माघ १७ देखि २० गतेसम्म तीन वटा ट्वान्टी ट्वान्टी खेल्नेछ । सबै खेल युएईको मैदान दुबईमा हुनेछन् ।