चन्द्रपुरमा जेष्ठ नागरिकलाई न्यानो कपडा वितरण

काठमाण्र्डौ, माघ ७ गते । रातो तारा डट कम,रौतहटको चन्द्रपुर नगरपालिका वडा नं. १, मङ्गलपुरमा जेष्ठ नागरिकहरुलाई न्यानो कपडा वितरण गरिएको छ । चन्द्रपुर नगरपालिकाको वडा नम्बर १ को यस आर्थिक वर्षमा बिनियोजित बजेटबाट कम्बल बितरण गरिएको हो ।

१ नम्बर वडा भित्रका ७० वर्ष भन्दा माथिका ३ सय जना जेष्ठ नागरिकहरुलाई कम्बल बितरण गरिएको हो । उनीहरुलाई वडा कार्यालयले खिर खुवाएर आज सम्मान समेत गरिएको छ । कम्बल बितरण कार्यक्रममा बोल्दै नगरपालिकाका प्रमूख रामचन्द्र चौधरीले बृद्धबृद्धा नागरिकको सम्मानमा नगरपालिका सदैब साथ रहेको बताउनु भयो ।

आगामी दिनमा चन्द्रपुर नगरपालिका भित्रका जेष्ठ नागरिकको पक्षमा नगरपालिकाले गर्नुपर्ने कार्यको नीति बनाइने नगर प्रमुख चौधरीको भनाई छ ।