पोखरीमा डुबेर बालिकाको मृत्यु

तेह्रथुम, माघ ९ गते । रातो तारा डट कम,तेह्रथुमको म्याङलुङ नगरपालिका-७ लाप्चाङ टोलमा सोमवार दिउँसो पोखरीमा डुबेर १ बालिकाको मृत्यु भएको छ ।

मृत्यु हुनेमा सप्तरी बलन-बिहुन गाउँपालिका-२ घर भई तेह्रथुम बस्दै आईरहेका बिरेन्द्र साहको छोरी बर्ष ३ को एतिका साहको मृत्यु भएको जिल्ला प्रहरी कार्यालय तेह्रथुमले जनाएको छ ।

लाप्चाङ टोल बस्ने कैलास कुमार खत्रीले अलैची भिजाउन बनाएको पोखरीमा खेल्ने क्रममा डुबेर गम्भीर बनेकी बालिकालाई उपचारको लागि जिल्ला अस्पताल तेह्रथुम लगिएकोमा उपचारको क्रममा सोही अस्पतालमा मृत्यु भएको हो । घटनास्थलमा प्रहरी टोली खटिगई कानूनी प्रकृया पूरा गरी शव परिक्षणको लागि सोही अस्पतालमा राखिएको छ ।