सरकारविरुद्ध थप कार्यक्रम तय गर्न कांग्रेसको बैठक बस्दै

काठमाण्डौं माघ २३ गते । रातो तारा डट कम,सरकारविरुद्ध थप कार्यक्रम तय गर्न कांग्रेस केन्द्रीय कार्यसमितिको बैठक आज बस्दैछ । सरकारी कदमको विरोध कुन शैलीमा अघि बढाउने भन्नेबारे बैठकमा छलफल हुने नेताहरुले बताएका छन् ।

बैठकमा आन्तरिक विषयमा छलफल हुनेछ । पुसमा सम्पन्न महासमितिले पारित गरेको पार्टी विधान, राजनीतिक र आर्थिक प्रस्ताव परिमार्जनसहित टुंग्याउने विषयमा पनि छलफलको तयारी छ ।

बैठकले नेविसंघको वर्तमान कार्यसमिति विघटन गर्ने या अधिवेशनका लागि थप समय दिने भन्ने निर्णय पनि लिने कांग्रेस प्रवक्ता विश्व प्रकाश शर्माले सीआईएनसँग बताउनुभयो । बैठक दिउँसो एक बजे पार्टी कार्यालमा बस्नेछ ।