आईसीसीका प्रतिनिधिले गरे क्रिकेट मैदाको निरीक्षण

काठमाण्डौं,माघ २३ गते । रातो तारा डट कम,अन्तराष्ट्रिय क्रिकेट काउन्सिल आईसीसीका प्रतिनिधिले त्रिवि क्रिकेट मैदान कीर्तिपुरको निरीक्षण गरेका छन् । कीर्तिपुर मैदान एकदिवसीय सिरिज खेलाउन योग्य भए नभएको अवलोकन गर्न आईसीसीका प्रतिनिधि एण्डी अड्किङसन नेपाल आउनुभएको थियो ।

उहाँले आज विहान त्रिवि क्रिकेट मैदान पुगेर पिच, आउट फिल्ड लगायतको अवलोकन गर्नुभएको हो । त्रिवि क्रिकेट मैदान छिट्टै तयार हुने अवस्था भएमा सन् २०१९ को मध्यतिरै पनि नेपालमा सिरिज हुनसक्ने बताइएको छ । गत चैतमा एकदिवसीय मान्यता पाएको नेपालले हालै मात्र यूएईविरुद्ध सिरिज जितेको थियो ।