महिला नेत्रहीन क्रिकेट सिरिजमा नेपालको जित

बिराटनगर,माघ २० गते । रातो तारा डट कम,अन्तराष्ट्रिय महिला नेत्रहीन क्रिकेट सिरिजका लागि पाकिस्तानमा रहेको नेपालले तेस्रो टी ट्वान्टी क्रिकेटमा घरेलु टोलीलाई हराएको छ ।

इस्लामावादमा भएको खेलमा नेपालले पाकिस्तानलाई १० विकेटले हराएको हो । पाकिस्तानले दिएको १ सय ३ रनको लक्ष्य नेपालले ७ ओभर ३ बलमा बिना विकेटको क्षतिमा पुरा गरेको थियो ।

यसअघि टस जितेर ब्याटिङ गरेको पाकिस्तानले पुरै २० ओभर खेल्दै ६ विकेट गुमाएर १ सय २ रन बनाएको थियो । खेलमा नेपालका मन केशरी चौधरी प्लेयर अफ दि म्याच बन्नुभयो । जितसंगै नेपालले ५ खेलको सिरिजमा २, ० ले अग्रता बनाएको छ । नेपालले पहिलो खेलमा पनि पाकिस्तानलाई १० विकेटले हराएको
थियो ।