स्कुल बसको ठक्करबाट टेम्पोमा सवार ५ घाइते

सुनसरी, माघ २३ गते । रातो तारा डट कम,सुनसरीको धरान उप-महानगरपालिका-१८ राँगा चोकमा स्कुल बसको ठक्करबाट टेम्पोमा सवार ५ जना घाइते भएका छन् ।

भानुचोकबाट घोपा क्याम्प तर्फ यात्रु बोकेर जाँदै गरेको को २ ह ५२२३ नम्बरको टेम्पोलाई बिपरित दिशाबाट आउँदै युरेको स्कुलको को १ क १७०३ नम्बरको बसले बिहान साढे ६ बजे  ठक्कर दिएको थियो ।

बसको ठक्करबाट टेम्पोमा सवार  सुनसरी धरान-५ देउराली बस्ने बर्ष ३२ की गंगा श्रेष्ठ, बर्ष २८ को गणेश लिम्बु, बर्ष ४३ की तिर्थ कुमारी भुजेल, बर्ष ३१ की उर्मिला लिम्बु, र बर्ष ३९ की संगीता लिम्बु घाइते भई उपचारको लागि धरान स्थित वी.पी. कोइराला स्वास्थ्य विज्ञान प्रतिष्ठान पठाईएको इलाका प्रहरी कार्यालय धरानले जनाएको छ ।

घाइते सबैको अवस्था सामान्य रहेको छ भने बस, टेम्पो र चालकलाई प्रहरीको नियन्त्रणमा राखिएको उक्त कार्यालयले जनाएको छ ।