जवरजस्ती करणी गरी हत्या गर्ने २ जना सार्वजनिक

बिराटनगर, माघ २० गते । रातो तारा डट कम,मोरङको विराटनगर महानगरपालिका-८ की १० बर्षीया बालिकालाई जबरजस्ती करणी पश्चात हत्या गर्ने २ जनालाई पक्राउ गरी सार्वजानिक गरिएको छ ।

बलात्कार पश्चात हत्या आरोपमा प्रहरीले विराटनगर महानगरपालिका-८ बलुवाही बस्ने बर्ष १९ को चन्दु महतो  र सोही स्थान बस्ने बर्ष २५ को भुट्टु भन्ने अब्बास अन्सारीलाई पक्राउ गरी आज सार्वजनिक गरेको हो ।

गत माघ १२ गते स्थानीय राम प्रसाद दासको १० बर्षीया छोरी रुमती दास बेलुका ८ बजे देखी सम्पर्क बिहिन भए पश्चात निजको वुवाले माघ १३ गते जिल्ला प्रहरी कार्यालय मोरङमा हुलिया दिएका थिए ।

हुलिया दिएको केही समय पश्चात बालिकाको घर देखि ६०० मिटर तल सिंगिया खोलामा बालिकाको शव नग्न अवस्थामा फेला परेको थियो । घटनाको जानकारी पाउनासाथ तत्काल घटनास्थलमा १ नम्बर प्रदेश प्रहरी कार्यालयको क्षेत्रीय अनुसन्धान समूह र जिल्ला प्रहरी कार्यालय मोरङबाट खटिएको संयुक्त टोलीले सुक्ष्म अनुसन्धान पश्चात १ साता पछी घटनामा संग्लग्न प्रतिवादीहरुलाई पक्राउ गर्न सफल भएको हो ।

पक्राउ प्रतिवादीहरूलाई जवरजस्ती करणी गरी कर्तब्य ज्यान अपराध गरेको कसुरमा सम्मानित जिल्ला अदालत मोरङबाट म्याद थप गरी अनुसन्धान कार्य भईरहेको जिल्ला प्रहरी कार्यालय मोरङले जनाएको छ  ।