पिकअप दुर्घटनामा ५ घाइते

इलाम, माघ २३  गते । रातो तारा डट कम,ईलामको चुलाचुली गाउँपालिका-६ तोरीबारी भन्ने स्थानमा मंगलवार पिकअप दुर्घटना हुँदा चालक सहित ५ जना घाइते भएका छन् । दमकबाट पाँचथरको कन्याटार जाँदै गरेको मे १ ज १६२० नम्बरको पिकअप भ्यान उकालो चढ्ने क्रममा आज दिउँसो १ बजे अचानक ब्रेकफेल भई दुर्घटना भएको थियो । 

दुर्घटनामा परि पिकअपका चालक ईलाम चुलाचुली गाउँपालिका-६ बस्ने बर्ष ३६ को नबिन श्रेष्ठ, सहित पिकअपमा सवार पाँचथर मिक्लाजुङ गाउँपालिका-५ बस्ने बर्ष ६५ को बिष्णु राई, सोही गाउँपालिका-६ कन्याटार बस्ने बर्ष ५३ की भीम कुमारी राई, बर्ष ५७ की शान्ता कुमारी राई र मोरङको मिक्लाजुङ गाउँपालिका-३ बस्ने बर्ष ८० को डिकमान राई घाइते भएका हुन् । 

घाइते मध्य चालकको साझा अस्पताल मधुमल्लामा उपचार भईरहेको छ भने अन्य घाइतेहरुको दमक स्थित नमस्ते अस्पतालमा उपचार भईरहेको जिल्ला प्रहरी कार्यालय ईलामले जनाएको छ । घाइते सबैको अवस्था सामान्य रहेको उक्त कार्यालयले जनाएको छ ।