बिराटनगर कै पहिलो सेन्ट्रल मलको आज उदघाटन हुँदै,

बिराटनगर फागुन २० गते । रातो तारा डट कम,विराटनगरको मुटुमा मुलुक कै पहिलो स्ट्रीट लेन डिजाईनको सेन्ट्रल मल आज हुने उदघाटन पछि बिधिवतरूपमै संचालनमा आउने भएको छ । 

सेन्ट्रल मलको प्रदेश नम्बर एकका मुख्यमन्त्री शेरधन राईले औपचारिक रुपमा आज शिवरात्री दिन उद्घाटन गरी व्यापारीक महल  संचालनमा ल्याईने आयोजकले जनाएको
छ । विशाल ग्रुप, देवनगरा ग्रुप र हाइलाइफ ग्रुपको संयुक्त लगानीमा विविध व्यापारिक प्रयोजनका लागि झण्डै १ सय करोडको लगानीमा विराटनगर–७ को मेनरोडमा अवस्थित रहेको सिनेमा हलसहितको सुविधा सम्पन्न सेन्ट्रल मलको निर्माण भइरहेको छ । 

मलमा झण्डै २ सयदेखि ३ सय जनाले रोजगारी पाउने छन् । सेन्ट्रल मलमा ५ भन्दा बढी सोरुम, रेष्टुरेन्ट, सुपर मार्केट, राष्ट्रिय तथा अन्तराष्ट्रिय ब्राण्डका विभिन्न सामाग्री उपलब्ध हुनेछन् । यस अघि विशाल ग्रुप , देवनगरा ग्रुप र हाइलाइफ ग्रुपको संयुक्त लगानीमा सिनेमा हल संचालनमा ल्याइएका छन् । सेन्ट्रल मलले ११ करोडको लगानीमा सेन्ट्रल मल्टिप्लेक्स सिनेमा हल निर्माण संचालनमा ल्याएको छ ।