सड़क दुर्घटनामा १ को मृत्यु-३ घाइते

शिव भट्टराई -मोरङ चैत १० गते । रातो तारा डट कम,
मोरंङको सुन्दरहरैचा ८ चिउरामिल नजिकै बा ५ ख ३५४ नम्बरको हायसले धरान रेल्वे निवासी १३ बर्षीय सबिन मंग्रातीलाई बिहान साडे पाँच बजेको समयमा ठक्कर दिदा मंग्रातीको घटना स्थलमै मृत्यु भएको छ ।

तिब्रगतीमा आएको हायसले फलैचामा बसिरहेका सबिनलाई ठक्कर दिएको हायास दुर्घनामा परेको हो। पुर्वबाट पश्चिम तर्फ आउदै गरेको हायस तिब्रगतीको कारण अनियन्त्रित भएर सडक भन्दा बाहिर गएको क्षेत्रिय ट्राफिक कार्यलय इटहरीले जनाएको छ ।

सबिन धरानबाट सुममाया मंग्रातीको घरमा पाहुना आएका थिए । उता चालक पथरी ९ बस्ने २९ बर्षे रमेश बस्नेत र सहचालक उर्लावरी बस्ने सचिन भित्रिकोटि दुबै सामान्य घाईते भएका छन् । सहचालकको बिराट नर्सिंगहोममा उपचार भईरहेको छ भने चालकको स्थानिय अस्पतालमा उपचार भई रहेको ट्राफिक प्रहरी कार्यलयले जनाएको छ