पारस र सोमपालको टी–२० वरियता सुधार

काठमाण्डौं,फागुन १८ गते । रातो तारा डट कम,नेपाली राष्ट्रिय क्रिकेट टोलीका कप्तान पारस खड्का र सोमपाल कामीले टी–२० अन्तराष्ट्रिय वरीयतामा सुधार गरेका छन् । दुवैजना टी–२० को अलराउण्ड वरीयतातर्फ एक स्थान माथि उक्लिएका छन् । पारस र सोमपाल अलराउण्डरतर्फ शीर्ष ५० भित्र छन् ।

कप्तान पारस ३८औँ र सोमपाल ५०औँ स्थानमा रहेका छन् । यसअघि पारस ३९औँ र सोमपाल ५१औँ स्थानमा थिए । विश्व वरीयतामा अलराउण्डरतर्फ अष्ट्रेलियाका ग्लेन म्याक्सवेल पहिलो, बंगलादेशका शकिब अल हशन दोस्रो र अफगानिस्तानका मोहम्मद नावी तेस्रोमा छ ।

यस्तै ब्याटिङतर्फ वरीयतामा रहने एक्लो नेपाली खेलाडी रहेका पारस ९२औँ स्थानमा छन् । बलिङतर्फ भने सोमपाल कामी र बसन्त रेग्मी संयुक्त रुपमा ७१औँ स्थानमा छन् । टी २० को विश्व वरीयतामा ब्याटिङतर्फ पाकिस्तानका बाबर अजाम पहिलो, न्यूजिल्याण्डका कलिन मुनरो दोस्रो र अष्ट्रेलियाका ग्लेन म्याक्सवेल तेस्रो स्थानमा छन् ।

यस्तै बलिङतर्फ अफगानिस्तानका रसिद खान पहिलो, पाकिस्तानका सदाब खान दोस्रो र इमाद वासिम तेस्रोमा छ ।