पिकअपको ठक्करबाट अर्ना मर्‍यो, पिकअपमा सवार ३ घाइते

सुनसरी, चैत्र १३ गते । रातो तारा डट कम,सुनसरीको कोशी गाउँपालिका-७ मा आज बिहान पिकअप गाडीको ठक्करबाट जंगली अर्ना मरेको छ , भने पिकअपमा सवार ३ जना घाइते भएका छन् ।

पूर्व-पश्चिम लोकमार्गमा बिहान साढे ४ बजे पूर्वतर्फ जाँदै गरेको लु २ च ५९५८ नम्बरको पिकअप गाडीले बाटो काट्दै गरेको अर्नालाई ठक्कर दिदा अर्ना घटनास्थलमा नै मरेकोहो ।

साथै उक्त पिकअप सडकमा पल्टिदा चालक जिल्ला दाङ गडुवा गाउँपालिका-२ बस्ने बर्ष-१८ को श्रीचन्द्र चौधरी, बर्ष-४१ को ज्ञान प्रसाद चौधरी र बर्ष-३८ को जीतराम चौधरी घाइते भई उइचारको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ।