आगलागीबाट साढे १६ लाख बढीको क्षति

तेह्रथुम, चैत्र ६  गते । रातो तारा डट कम, तेह्रथुमको फेदाप गाउँपालिका-३ जलजलेमा मार्से सामूदायिक जंगलमा लागेको आगोले स्थानीय डोलेश्वर ढुंगानाको घर सल्किदा अन्दाजी १६ लाख ८१ हजार मूल्य बराबरको क्षति भएको छ । दिउँसो २ बजे भएको उक्त आगलागीबाट ढुंगानाको ढुंगा, माटोले बनेको फुसको छानो भएको ३ तले घर, घर भित्र रहेको धान, मकै लगायत लत्ताकपडा, भाडावर्तन र काठपात जलेर

नष्ट भएको जिल्ला प्रहरी कार्यालय तेह्रथुमले जनाएको छ । उक्त स्थानमा जिल्ला प्रहरी कार्यालय तेह्रथुम, प्रहरी चौकी पोक्लावाङ, नेपाली सेना, शसस्त्र प्रहरी र स्थानीयवासीको सहयोगमा अस्ती  साँझ पौने ७ बजे पूर्ण रुपमा नियन्त्रणमा आएको उक्त कार्यालले जनाएको छ ।