अवैध सामान बरामद

काकडभिट्टा, चैत्र १७ गते । रातो तारा डट कम,झापाको मेचीनगर नगरपालिका- ६ र ७ बाट  प्रहरीको टोलिले ३ लाख २० हजार बराबरको अबैध सामान बरामद गरेको छ ।

शनिबार दिउँसो १२ बजेको समयमा ईलाका प्रहरी कार्यालय काँकडभिट्टाबाट खटिएको प्रहरीको टोलिले झापाको मेचीनगर नगरपालिका-७ स्थित जोर सिमलबाट अवैध रुपमा भन्सार छलि चोरी पैठारी निकाशी गरी भारत बाट नेपाल तर्फ ल्याउदै गरेको   अन्दाजी एक लाख पचास हजार रुपैया बराबरको कपडाहरु बरामद गरेको थियो ।

यसैगरी जिल्ला प्रहरी कार्यालय झापाबाट खटिएको प्रहरीको टोलिले झापाको मेचीनगर नगरपालिका ६ र ७ स्थित बिभिन्न स्थानबाट भन्सार छलि चोरी पैठारी निकाशी गरी भारत बाट नेपाल तर्फ ल्याउदै गरेको बिभिन्न किसीमका कपडा र रुख काटने मेसिन सहित अन्दाजी १ लाख ७० हजार मुल्य बराबरको सामान बरामद गरेको हो ।

बरामद गरिएका उक्त सामानहरु आज मेची भन्सार कार्यालय झापा बुझाईने उक्त कार्यालयले जनाएको छ ।