प्रमुख आयुक्त यादवको विदाइ

काठमाण्डौ,चैत ११ गते । रातो तारा डट कम, प्रमुख निर्वाचन आयुक्त डा.अयोधिप्रसाद यादवले हिजो अवकाश लिनु भएको छ । २०६३ सालयता २ कार्यकाल प्रमुख निर्वाचन आयुक्तको जिम्मेवारीमा रहेका प्रमुख निर्वाचन आयुक्त यादवको निर्वाचन आयोगमा  हिजो  एक कार्यक्रमका बीच विदाइ गरिएको छ ।

विदाई समारोहमा यादवले ११ महिनाभित्र सङ्घ, प्रदेश, स्थानीय तहलगायतका ८ वटा निर्वाचन सफलतापूर्वक सम्पन्न गराउन पाएकोमा आफूलाई गौरवको अनुभूति भएको बताउनुभयो । लोकतन्त्रको सवलीकरणका लागि इमान्दारिताका साथ आफ्नो सवैधानिक दायित्व पूरा गर्न निर्वाचन आयोग सधैं सफल हुने विश्वास व्यक्त गर्दै यादवले निर्वाचन गर्ने मिति कानुनमै व्यवस्था गर्न सरकारसँग आग्रह गर्नुभयो ।

यादवको अवकाशसँगै कार्यबहाक प्रमुख निर्वाचन आयुक्तको कार्यभार आयोगका आयुक्त इला शर्माले सम्हाल्नु भएको छ ।