लागूऔषध सहित धरानबाट २ पक्राउ

सुनसरी, चैत्र १५ गते । रातो तारा डट कम,सुनसरीको धरान उप-महानगरपालिका-१५ सेउती खोलाबाट प्रहरीले बिहीवार लागूऔषध सहित २ जनालाई पक्राउ गरेको छ । 

लागूऔषध सहित धरान उप-महानगरपालिका-५ देउराली बस्ने बर्ष १८ को अचित भन्ने मनकुमार राई र धरान ३ बस्ने बर्ष ३८ को साङ्गे तामाङलाई पक्राउ गरेको इलाका प्रहरी कार्यालय धरानले जनाएकोछ । 

उनीहरुलाई अपरान्ह सवा ४ बजे अस्थाई प्रहरी पोष्ट नयाँ बसपार्कबाट खटिएको प्रहरी टोलीले शंकास्पद अवस्थामा हिडिरहेको अवस्थामा चेकजाँच गर्ने क्रममा  राईको साथबाट लागूऔषध लुपिजेसिक-३० एम्पुल, एभिल-३० एम्पुल र डाइजेल्याव-३० एम्पुल त्यसैगरी तामाङलाई तरकारी बोक्ने झोलामा लुकाईराखेको लुपिजेसिक-९७ एम्पुल, एभिल-९७  एम्पुल र डाइजेल्याव-९७ एम्पुल बरामद गरेको हो । 

पक्राउ परेका दुवै जनालाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।