ट्रकमा मोटरसाइकल ठोक्किँदा १ को ज्यान गयो

काठमाण्डौ चैत १८ गते । रातो तारा डट कम,कपिलवस्तुको शिवराज नगरपालिका ५ चन्द्रौटा राजस्व चेकप्वाइन्टमा रोकिएको ट्रकमा मोटरसाइकल ठोक्किँदा एक युवाको मृत्यु भएको छ ।  मृत्यु हुनेमा शिवराज नगरपालिका १, भलुहीका मनिराम थारुका छोरा २२ वर्षीय सनी थारु रहेका छन् । गत राति करीब १ बजे पूर्वबाट पश्चिमतर्फ जाँदै गरेको ना ६ ख ४१२६ नम्बरको ट्रक जिल्लाको चन्द्रौटा खसी बजारस्थित राजस्व चेकप्वाइन्टमा रोकिएको थियो । लु ४८ प ६९२८ नम्बरको मोटरसाइकलले ठक्कर दिएको बताइएको छ ।  दुर्घटनाबाट गम्भीर घाइते भएका थारुलाई सञ्जीवनी सामुदायिक अस्पतालमा उपचारकै क्रममा मृत्यु भएको प्रहरीले जनाएको छ ।