प्रधानमन्त्री ओली आज राजधानी फर्कदै

काठमाण्डौ चैत १८ गते । रातो तारा डट कम,प्रधानमन्त्री केपी शर्मा ओली आज बिहान झापाको दमक रेडक्रस हलमा आयोजना गरिएको नगर र वडा कमिटीको सपथ तथा प्रशिक्षण कार्यक्रममा सहभागी हुनुहुने कार्यक्रम रहेको छ । त्यसपछि प्रधानमन्त्री ओलीले दमकमै निर्माण गरिएको  पशुपंक्षी हाट उद्घाटन गर्ने, दिउँसो साढे १२ बजे भारतीय  राजदुतावासको सहयोगमा निर्माण भएको गौरादह नगरपालिका स्थित स्कूलचौन माविको भवन उद्घाटन र हस्तान्तरण गर्नुहुनेछ । प्रधानमन्त्री ओली भद्रपुरबाट आज नै काठमाडौं फर्कनु हुने प्रधानमन्त्रीको सचिवालयले जनाएको छ । प्रधानमन्त्री ओली हिजो मोरङ र झापाका विभिन्न कार्यक्रममा सहभागी हुन त्यहाँ पुग्नुभएको थियो ।