आठौं राष्ट्रिय महिला फुटबल खेलमा प्रदेश २ कै अग्रता

काठमाण्डौ बैशाख ६ गते । रातो तारा डट कम,आठौं राष्ट्रिय खेलकुद प्रतियोगिता अन्तरगत घोराहीमा भइरहेको महिला फुटबलमा हिजो प्रदेश २ विजयी भएको छ ।

घोराहीको भरतपुर मैदानमा भएको बिहानको खेलमा प्रदेश ५ लाई एकका विरुद्ध तीन गोल पराजित गर्दै प्रदेश २ विजयी भएको हो । खेलको पहिलो हाफमा प्रदेश २ का रजनी थोकरले ३५ औं मिनेटमा गोल गर्नुभएको थियो ।

यसैगरी दोस्रो हाफमा प्रदेश २ का दिलकुमारी राना मगरले २८ औं मिनेटमा गोल गर्नुभएको थियो । थोकरले ४१ औं मिनेटमा गोल गरेर प्रदेश २ लाई विजयी बनाउनुभएको थियो । प्रदेश ५ का ममता पुन मगरले दोस्रो हाफको २५ औं मिनेटमा एक गोल गर्नुभएको थियो ।