फरार दुई प्रतिवादी पक्राऊ

श्याम राइ,गाईघाट,बैशाख ९ गते । रातो तारा डट कम,लागू औषध र बहुविवाह तथा गाली बेईजती अपराधमा फरार दुई प्रतिवादी पक्राऊ परेकाछन् । प्रहरीले आईतबार लागू औषध मुद्दामा फरार त्रियुगा नगरपालिका–३ का ३० वर्षिय कपिल भन्ने कपलेश्वर चौधरी र बहु विवाह र गाली बेईजती मुद्दाका फरार त्रिनपा १३ का ४७ वर्षिय बलराम चौधरीलाई पक्राऊ गरेको एस.पी. चन्द्रदेव राईले बताए ।

जिल्ला अदालत उदयपुरको ०७५ चैत २९ गतेको लागू औषध मुद्दामा ३ वर्ष कैद र १ लाख १० हजार जरिवाना फैसला मुद्दाका प्रतिवादी चौधरीलाई पक्राऊपछि सोमबार जेल चलान गरिएको छ ।

त्यसैगरि बहु विवाह मुद्दामा १ वर्ष कैद र ५ हजार जरिवाना तथा गाली बेइजत मुद्दामा ९ हजार जरिवाना सहितको फैसला मुद्दाका फरार लक्ष्मिपुरका बलरामलाई कैद तथा जरिवाना भुक्तानको लागि जेल चलान गरिएको हो ।