एएफसी कप अन्तर्गत पहिलो खेलमा मनाङ पराजित

काठमाण्डौ चैत २१ गते । रातो तारा डट कम,एएफसी कप अन्तर्गत समूह चरणको पहिलो खेलमा नेपाली ’ए’ डिभिजन लिग च्याम्पियन मनाङ मर्स्याङ्दी क्लब पराजित भएको छ । समूह चरणको पहिलो खेलमा मनाङ बंगलादेशी लिग च्याम्पियन ढाका अबहानी लिमिटेडसंग १, ० गोल अन्तरले पराजित भएकोहो  । 

सातदोबाटो स्थित एन्फा कम्प्लेक्समा अबहानीलाई जित दिलाउन मासिया साईघानीले निर्णायक गोल गर्नुभयो । खेलको २७ औं मिनेटमा साईघानीले हेड गोल गर्दै अबहानीलाई जित दिलाउनुभएकोहो । 

बल पोजिसनमा पकड जमाएपनि मनाङ गोल गर्न नसक्दा घरेलु मैदानमा पराजित भएको हो । जितसंगै अबहानीले महत्वपूर्ण ३ अंक जोडेको छ । मनाङले भने हारबाट प्रतियोगिताको सुरुवात गरेको छ ।