क्रिकेट प्रतियोगिताको उपाधि नेपाललाई

काठमाण्डौ बैशाख १६ गते । रातो तारा डट कम,नेपालले एसीसी १६ बर्ष मुनिको पूर्वी क्षेत्रिय क्रिकेट प्रतियोगिताको उपाधि जितेको छ । थाइल्याण्डमा आइतवार भएको फाइनलमा मलेसियालाई ५९ रनले पराजित गर्दै नेपालले लगातार दोस्रो पटक उपाधि जितेको हो । 

गत संस्करणमा नेपालले सिंगापुरलाई ७१ रनले पराजित गर्दै उपाधि जितेको थियो । थाइल्याण्डको चियाङमाईमा नेपालले दिएको १ सय ४१ रनको लक्ष्य पछ्याउने क्रममा मलेसिया ३४ ओभर ५ बलमा अलआउट हुँदै ८१ रनमा समेटियो । यसअघि टस जितेर पहिले ब्याटिङ गरेको नेपालले पुरै ३५ ओभर खेल्दै ९ विकेट गुमाएर १ सय ४० रन बनाएको थियो । 

नेपालका लागि प्रशान्त महतले सर्वाधिक ४० रन जोडे्नुभयो ।  प्रतियोगितामा सिंगापुर तेस्रो भयो ।  सिंगापुरले हङकङलाई ८१ रनले पराजित गर्दै तेस्रो स्थान हासिल गरेको हो ।