.gif)
श्याम राई÷उदयपुर,गाईघाट,बैशाख ७ गते । रातो तारा डट कम,उदयपुरको त्रियुगा नगरपालिका–७ स्थित चुहाडे झोडामा ट्याक्टरको ठक्करबाट शुक्रबार राती मोटरसाईकल चालकको मृत्यु भएको छ ।
निर्माणधिन मदन भण्डारी लोकमार्गमा एउटा ट्याक्टरले अर्को ट्याक्टरलाई ओभरटेक गर्ने क्रममा विपरित दिसाबाट आउँदै गरेको मोटरसाईकललाई ठक्कर दिदा मोटरसाईकलका चालक शसस्त्र प्रहरीका पूर्व हबल्दार कालीदास भण्डारीको मृत्यु भएको प्रहरीले जनाएको छ ।
उदयपुरगढी–६ घर भएका ३८ वर्षिय भण्डारीको उपचारको क्रममा राती ११ बजे धरानस्थीत विपी कोईराला स्वास्थ्य विज्ञान प्रतिष्ठानमा मृत्यु भएको उदयपुरका एस.पी.चन्द्र देव राईले बताए ।
गाईघाटदेखि चुहाडे तर्फ जादै गरेको ल ३ त ४४४९ नम्बरको ट्याक्टरले गाईघाट तर्फ आउँदै गरेको भण्डारी चढेको लु ४९ प ४०७४ नम्बरको मोटरसाईकल ठक्कर दिएको प्रहरीले जनाएको छ ।
घटना लगतै ट्याक्टरका चालक सुनिल स्मृती गाउँपालिका–८ अदेसका २२ वर्षिय धन वहादुर मगरलाई प्रहरीले नियन्त्रणमा लिएको छ । उदयपुरमा चालु आर्थिक वर्षको ९ महिनाको अवधिमा ट्याक्टर दुर्घटनामापरि ९ जनाको मृत्यु भएको छ ।
Post a Comment