प्रदेश स्तरिय धनकुटामा महिला भलिबल प्रतियोगिता हुने

काठमाण्डौ बैशाख १७ गते । रातो तारा डट कम,धनकुटामा भोलि बाट प्रदेश न १ स्तरिय महिला भलिबल प्रतियोगिता हुने भएको छ । प्रदेश न १ सरकारको सामाजिक विकास मन्त्रालयले आयोजना गरेको प्रतियोगिता आज दखि बैशाख २१ गतेसम्म संचालन हुने स्थानिय संयोजक समितीले धनकुटामा पत्रकार सम्मेलन गर्दै जानकारी गराएको हो । 

प्रतियोगितामा प्रदेश नम्बर १ का १४ वटै  जिल्लाका जिल्ला खेलकुद विकास समितिको प्रतिनिधीत्व गर्दै १ सय ५४ जना खेलाडी र अफिसियल सहभागि हुनेछन् । प्रतियोगितामा प्रथम हुने टोलीले १ लाख नगद सहित शिल्ड प्राप्त गर्ने छ भने दोस्रो हुने टोलीले नगद ५० हजार प्राप्त गर्नेछ । 

त्यस्तै व्याक्तिगत विद्या तर्फ उत्कृष्ट हुने खेलाडीलाई नगद ५ हजारको दरले पुरस्कृत गरिने स्थानिय आयोजकले जनाएको छ । खेल सम्पन्न गर्न करिब २६ लाख लाग्ने अनुमान गरिएको छ ।