नेपाल भारतसंग ६ विकेटले पराजित

काठमाण्डौ जेष्ठ २ गते । रातो तारा डट कम,एसिया कप व्हिल चियर टी ट्वान्टी क्रिकेटको पहिलो खेलमा नेपाल पराजित भएकोछ । उद्घाटन खेलमा नेपाल भारतसंग ६ विकेटले हिजो पराजित भएको हो । किर्तिपुरस्थित टियु मैदानमा नेपालले दिएको १ सय ४१ रनको लक्ष्य भारतले १५ ओभर १ बलमा मात्र ४ विकेट गुमाएर पुरा गर्यो  । यसअघि टस हारेर पहिले ब्याटिङ गरेको नेपालले २० ओभरमा ४ विकेट गुमाएर १ सय ४० रन बनाएको थियो । नेपालका लागि कप्तान दिगम सिंह चेम्जोङले अविजित रहदै ६६ रनको अर्धशतकीय इनिङ्स खेल्नुभयो । पहिलो पटक आयोजना भएको एसिया कप व्हिल चियर टी ट्वान्टी क्रिकेटमा नेपालसहित भारत, बंगलादेश र पाकिस्तानले प्रतिस्पर्धा गरिरहेकाछन्  ।