ट्रिपरको ठक्कर बाट १ जनाको मृत्यु

शिव भट्टराई सुनसरी जेठ ९ गते । मोरङको सुन्दरहरैचा १० मा ट्रिपरको ठक्कर बाट एक जनाको मृत्यु भएको छ । को १ ख ४३५५ नम्बरको ट्रिपरको ठक्कर बाट विहिबार १ जनाको मृत्यु भएको हो ।

ट्रिपरले ठोक्काउँदा मे ५ प ५५०० नम्बरको मोटरसाइकल चालक केरावारी ९ देविझोडा बस्ने अन्दाजी ४८ वर्षका बम बहादुर बस्नेतको मृत्यु भएको इलाका प्रहरी कार्यालय बेलबारीले जनाएको छ ।केराबारीबाट खोर्साने तर्फ आउँदै गरेको ट्रिपरले विपरीत दिशामा रहेको सो मोटरसाइकललाई ठक्कर दिएको थियो ।

ठक्करबाट घाइते भएका बस्नेतको विपि कोइराला स्वास्थ्य बिज्ञान प्रतिष्ठानमा उपचारको क्रममा मृत्यु भएको ट्राफिक प्रहरी पोष्ट बेलबारीका प्रमुख लिला श्रेष्ठले जानकरी दिनुभएको छ ।

हल ट्रिपर र चालकलाई प्रहरीले नियन्त्रणमा लिएको छ ।
ट्रिपरले किचेर मृत्यु भए पश्चात् अहिले खोर्साने केराबारी सडक खण्डको यातायात सेवा बन्द गरिएको छ । मृत्यु पश्चात् आक्रोशित स्थानिय वासिले प्रहरीले परिवारलाई थाहा नै नदिई घटना लुकाउन लागेको आरोप लगाएका छन ।

उनिहरुले सडकको बिच भागमा नै बाइक राखी सडक अवरुद्द गरिरहेका छन । हाल खोर्साने केराबारी सडक खण्ड तनाब ग्रस्त भएको छ ।