गोदाम घरमा भिषण आँगलागी

श्याम राई-मुर्कुची उदयपुर-जेष्ठ ९ गते । रातो तारा डट कम,उदयपुरको रौतामाई गाउँपालिका वडानं ७ मुर्कुची बजारको तेजपात राखेको गोदाम घरमा विहीबार दिउँसो   ५ बजे भिषण आँगलागी भएको छ ।

बजारको विच भागमा रहेको थापा जडिबुटी केन्द्रको तेजपत्ता राखिएको गोदाम घरमा एक्कासी अाँगोलागी हुदा एउटा कोठामा रहेको तेजपत्ता पूर्णरुपले जलेर नष्ट भएको छ । भने अन्य तीन घरमा आगो फैलिएको जिल्ला प्रहरी कार्यालयका प्रहरी प्रमुख एसपी चन्द्रदेव राईले जानकारी दिए ।

आगो नियन्त्रणका लागि गाईघाटबाट वारुणयन्त्र, प्रहरी र स्थानीयहरु सहयोगबाट करिब  ८ बजे आँगो नियन्त्रणमा आएको जिल्ला प्रहरी कार्यालयले जनाएको छ । क्षेतिको थप विवरण आउन बाकी छ ।