लामो समय सम्म पानी नपर्दा किसान चिन्तित

काठमाण्डौ जेष्ठ ९ गते । रातो तारा डट कम,काभ्रेको महाभारत गाउँपालिकाका किसान लामो खडेरीका कारण चिन्तित भएका छन् । झन्डै एक महिनादेखि पानी नपरेपछि खेत बारीमा लगाएको मकै तथा अन्य बाली सुक्न थालेको भन्दै किसान चिन्तित भएका हुन् । आकाशे पानीको भरमा खेती गर्दै आएका किसान बाली सुक्दै गएपछि चिन्तामा परेका हुन् । लगाएको बाली सुक्न थालेपछि भोकमरीको अवस्था आउने हो कि भनेर चिन्ता बढेको वडा नं १ का अध्यक्ष कान्छामान जिम्बा बताउनुहुन्छ । तातो हावाका कारण किसानलाई दैनिक काम गर्न समेत अप्ठ्यारो भएको उहाँले बताउनुभयो ।