बाटो खन्ने क्रममा रुख ढलेर एक बालकको मृत्यु

ईलाम, जेष्ठ ११ गते । रातो तारा डट कमईलामको सुर्योदय नगरपालिका-६ तारागाँउ बाट हर्कटेको थापागाउ जाने भित्रि बाटो खन्ने क्रममा रुख ढलेर सोही स्थान बस्ने १२ बर्षीय भेषराज गजमेरको मृत्यु भएको छ ।

शुक्रबार बिहान सँवा ९ बजेको समयमा को १ ख २४२७ नम्बरको जे सि बि ले बाटो खन्ने क्रममा रुख ढाल्दा स्कुल पढ्न गएका सोही स्थान बस्ने १४ बर्षीय कृतिका रसाईलि र भेषराज गजमेर  उक्त रुखले लागेर घाइते भएका थिए। घाइते दुबैजनालाई उपचारकोलागी सुर्योदय पोलिक्ल्निक फिक्कल पठाईएकोमा भेषराज गजमेरको उपचारको क्रममा  बिहान पौने १० बजेको समयमा मृत्यु भएको थियो ।

घटनाबारे जानकारी पाउनासाथ घटनास्थलमा तत्काल प्रहरी चौकी हर्कटे र ईलाका प्रहरी कार्यालय पशुपतिनगरबाट थप प्रहरी टोली खटि गई जे सि बि र चालक मोरङको बिराटनगर बस्ने २९ बर्षिय राजेन्द्र तामाङलाई नियन्त्रणमा लिएको उक्त कार्यालयले जनाएको छ ।