शहिद कृष्ण सेन‘इच्छुक’को १७ औं स्मृती दिवस मोरङमा पनि सम्पन्न

विराटनगर जेठ १३ गते । रातो तारा डट कम, स्व.कृष्ण सेन‘इच्छुक’ले स्वतन्त्र प्रेस र गणतन्त्रलाई स्थापना गर्न देखाउनु भएको वाटो हामी सवैले अनुशरण गर्नु पर्ने विराटनगरमा आज आयोजित अन्तरक्रियाका सहभागी वक्ताहरुले वताएका छन् ।

शहिद कृष्ण सेन‘इच्छुक’को १७ औं स्मृती दिवसमा प्रेस संगठन मोरङले आयोजित प्रेस स्वतन्त्रताको सवाल विषयक कार्यक्रमा वक्ताहरुले स्वतन्त्र प्रेस संस्थागत अहिले पनि पत्रकारहरु आन्दोलनमा उत्रनु दुःखद भएको वताएका छन् ।

नेपाल कम्यूनिष्ट पार्टी( नेकपा)का केन्द्रीय सदस्य महेश रेग्मीले जनआन्दोलनको भावना अनुसार स्वतन्त्र प्रेस सम्वन्धमा पार्टी प्रतिवद्ध रहेको वताउँदै सरकार यस सम्वन्धमा आवश्यक्र छलफल गरी संसदमा परिमार्जनसहित विधेयक ल्याउने विश्वास व्यक्त गरे ।

लोकतन्त्रलाई वलियो स्वतन्त्र प्रेस आवश्यश्यक रहेको नेपाल पत्रकार महासङघ प्रदेश महासचिव विवेक गौतमले बताए ।