सिसि क्यामेरा जडानपछि स्थानीय हर्षित

मोहन कुमार राई-जेष्ठ ४ गते । रातो तारा डट कम,

संखुवासभा, चैनपुर नगरपालिकाको पोखरी बजारमा सिसि क्यामेरा जडान भएसँगै स्थानीय हर्षित बनेका छन् ।

नव युथ क्लव पोखरीको पहलमा बजार क्षेत्रभित्र ९ वटा नाइट भिजन सहितको सिसि क्यामेरा जडान गरेको छ । चैनपुर नगरपालिकाको ५ लाख आर्थिक सहयोगमा क्यामेरा जडान गरिएको क्लवका सचिव मोहन खत्रीले वताउनुभयो । 

पोखरी बजारको बसपार्कमा १, त्रिचोकमा २, राष्ट्रिबाणिज्य बैक छेउ २, वडानं.४र५ को वडा कार्यालय नजिक १ बौद्धगुम्बा नजिक २ र झिल्के भञ्ज्याङ्गमा १ गरी जम्मा ९ वटा सिसि क्यामेरा जडान भइसकेको छ । 

यस अघि पटक पटक मोबाइल पसल, कपडा पसल लगातको स्थानमा रातको समयमा चोरी भइसको थियो । क्यामेरा जडान सँगै बजार क्षेत्रमा हुने चोरी लगायत अनैतिक क्रियाकलापबाट सुरक्षित हुने स्थानीय होटल व्यवसायी सुदन खत्री वताउनुहुन्छ