काठमाण्डौंमा ग्यास सिलिण्डर विस्फोट, ३ जनाको मृत्यु

काठमाण्डौ जेष्ठ १३ गते । रातो तारा डट कम,राजधानीको सुकेधारा र अनामनगरमा भएको ग्यास विस्फोटका कारण ३ जनाको मृत्यु भएको छ । बुढानिलकण्ठ नगरपालिका–४ ढलाने पुल नजिक एक सैलुन पसलमा ग्यास सिलिण्डर विस्फोट हुँदा २ जनाको मृत्यु भएको महानगरिय प्रहरी परिसर काठमाडौंले जनाएको छ । १ जनाको घटनास्थलमै र अर्का एकको उपचारका लागि चावहिलस्थित ओम अस्पतालमा मृत्यु भएको हो । सुकेधाराको विस्फोटमा अन्य ४ जना घाइते छन् । घाइतेमध्ये ३ जनाको ओम अस्पताल र १ जनाको त्रिवि शिक्षण अस्पतालमा उपचार भइरहेको छ । यस्तै अनामनगर घट्टेकुलोमा भएको विस्फोटमा पनि १ जनाको मृत्यु भएको छ । उक्त विस्फोटमा अन्य २ जना घाइते भएका महानगरीय प्रहरी परिसर काठमाडौंका प्रवक्ता एसएसपी श्यामलाल ज्ञवालीले सीआइएनलाई जानकारी दिनुभयो । मृत्यु हुनेको सनाखत नभइसकेको र घटना संकास्पद भएको उहाँले बताउनुभयो ।