विद्यार्थी भर्ना अभियान प्रभावकारी बन्दै

काठमाण्डौ बैशाख १८ गते । रातो तारा डट कम,‘हाम्रो नगर, हाम्रो गाउँ, सबै बालबालिकालाई विद्यालय पुर्‍याऔँ’ भन्ने नारा सहित सुरु भएको विधार्थी अभियान रत्ननगर नगरपालिकामा चितवनमा प्रभावकारीता हुदै गएको छ । सरकारले जारी गरेको विधार्थी भर्ना अभियानमा यति वेला जनप्रतिनिधि ,शिक्षक, अभिभावक र शिक्षा प्रेमिहरुले घरदैलो अभियानलाई तिव्रता दिएका छन् । यतिवेला सामुदायिक विद्यालयहरुमा विधार्थी संख्या कम भईरहेको वेलामा भर्ना अभियानले विधार्थी संख्या थप्न मद्दत पुग्ने विधालयका प्रधानाध्यापकरुले विस्वास व्यक्त गरेका छन् ।  रत्ननगर नगरपालिकामा केहि दिन अघि मात्रै सरुवा भई आउनु भएको शिक्षा,युवा तथा खेलकुद शाखा प्रमुख बद्धिनारायण शर्माले रत्ननगरमा पनि भर्ना अभियानले राम्रो प्रभाव परेको वताउनु भएको छ । शर्माका अनुसार सामुदायिक विद्यालयले पनि शैक्षिक गुणस्तर वृद्धि भएको कारण पहिलाको जस्तो अवस्था नरहेको र कतिपए सामुदायिक विधालयमा भर्ना गर्ने विधार्थी संख्याको चापले अघिल्लो वर्ष भन्दा यस वर्ष राम्रो रहेको उहाँले वताउनु भएको छ ।