पहिलो खेलमा नेपालले म्यानमारसंग खेल्ने

काठमाण्डौ जेष्ठ १३ गते । रातो तारा डट कम,मलेसियामा आयोजना हुने एसीसी १९ बर्ष मुनिको इस्टर्न रिजन क्रिकेटको पहिलो खेलमा नेपालले म्यानमारसंग खेल्ने भएको छ । एसियन क्रिकेट काउन्सिलले सार्वजनिक गरेको खेल तालिका अनुसार नेपालले म्यानमारको सामना गर्ने भएको हो ।  समूह ए मा रहेको नेपालले म्यानमारसंग जुलाई २ मा खेल्ने छ ।  यस्तै नेपालले दोस्रो खेलमा जुलाई ५ मा सिंगापुर र अन्तिम खेलमा जुलाई ६ मा चीनसंग खेल्ने छ । अर्को समूहमा आयोजक मलेसिया, भुटान, हङकङ र थाईल्याण्ड रहेका छन् । समूहको शीर्ष दुई टोलीले सेमिफाइनलमा स्थान बनाउने छन् ।