अवैध सुर्ती सहित २ पक्राउ

उदयपुर, जेष्ठ २१ गते । रातो तारा डट कम,उदयपुरको त्रियुगा नगरपालिका-१० बाँसघारीबाट प्रहरीले आज अन्दाजी ४ लाख २७ हजार ५ सय मूल्य बराबरको अवैध सुर्ती सहित २ जनालाई पक्राउ गरेको छ ।

बिहान साढे  ७ बजेको समयमा जिल्ला प्रहरी कार्यालय र जिल्ला ट्राफिक कार्यालय उदयपुरबाट खटिएको संयुक्त प्रहरी टोलीले को १ ज २६९३ नम्बर बोलेरो पिकअप गाडी चेकजाँच गर्ने क्रममा ४५ बोरा सुर्ती फेला पारेको थियो ।

सुर्ती सहित सुर्तीका साहु धरान उप-महानगरपालिका-१६ बस्ने बर्ष ३२ को मान बहादुर तामाङ र बोलेरोका चालक धरान उप-महानगरपालिका-११ बस्ने र  बर्ष २४ को दिपक नेपालीलाई पक्राउ गरि गाडी सहित पक्राउ परेका दुवै जनालाई जिल्ला प्रहरी कार्यालय उदयपुरमा राखि थप अनुसन्धान भईरहेको उक्त कार्यालयले जनाएको छ ।