मोरंग व्यापार संघले विराट व्यापार संघको नवनियुक्त कार्यसमितिलाई आज स्वागत गर्यो

बिराटनगर असार ५ गते । मोरंग व्यापार संघको ३२औं कार्यसमितिले विराट व्यापार संघको नवनियुक्त कार्यसमितिलाई संघको सचिवालयमा स्वागत गरी भेटघाट गरेको छ । मोरंग व्यापार संघका अध्यक्ष श्री प्रकाश मुन्दडाज्यू, निवर्तमान अध्यक्ष श्री पवन कुमार सारडाज्यू, पदाधिकारीज्यूहरु र कार्यसमिति सदस्यज्यूहरुले विराट व्यापार संघका अध्यक्ष श्री सुजन थापाज्यू, निर्वतमान अध्यक्ष श्री शिव प्रसाद रिजालज्यू, पूर्व अध्यक्षज्यूहरु, पदाधिकारीज्यूहरु एवं कार्यसमिति सदस्यहरुको स्वागत गरी भेटघाट गरिएको थियो । 

संघका अध्यक्ष श्री प्रकाश मुन्दडाज्यूको अध्यक्षतामा आयोजित उक्त कार्यक्रमको संचालन संघका महासचिव श्री अनिल साहज्यूले गर्नु भएको थियो । कार्यक्रमका केहि टिपोटहरु यस प्रकार रहेका छन्ः
स्वागत मन्तव्य अध्यक्ष श्री प्रकाश मुन्दडाज्यूबाटः
विराट व्यापार संघका नवनिर्वाचित कार्यसमितिका सम्पूर्ण सदस्यहरुलाई स्वागत गर्दै आगामी कार्यकालका लागि शुभकामना प्रदान गर्नु भयो । 

निवर्तमान अध्यक्ष शिव रिजालज्यूले मोरंग व्यापार संघसँग सुमधुर सम्बन्ध राख्न खेल्नु भएको भूमिकाको सरहाना गर्दे उद्योगी व्यापारीको सामुहिक हितका लागि संगसंगै हिडिरहेको र हिडिरहने प्रतिवद्र्धता व्यक्त गर्नु भयो । पुराना अध्यक्षले कायम गरेको उचाईलाई अझ नयाँ उचाई दिन नवनिर्वाचित अध्यक्षज्यूलाई अनुरोध गर्नु भयो । विराट व्यापार संघलाई आफनो संस्था जस्तै बराबर सम्झीएको ले एक अर्कालाई सहकार्य गर्दै अगि बढन अनुरोध गर्नु भयो ।

श्री पवन कुमार सारडाज्यू, निवर्तमान अध्यक्ष, मोरंग व्यापार संघ, विराटनगर ।
एशियामा मै सबैभन्दा बढी करको दर रहेको मुलुक नेपाल रहेकोले औद्योगिक र व्यवसायिक यात्रामा यसले नकारात्मक असर पार्ने भएकोले एक आपसमा व्यवसायिक एकता को प्रस्ताव राख्दै हालको मित्रतालाई अझ प्रगाढ बनाउने शुभकामनाका साथ सम्पूर्ण नवनिर्वाचित कार्यसमितिलाई हृदयको अन्तस्करणबाट स्वागत र अभिवादन गर्नु भयो ।

श्री यादव पोखरेलज्यू, पूर्व अध्यक्ष विराट व्यापार संघ, विराटनगर ।
हामीबीचको एक आपसको सम्बन्ध अतुलनीय रहेकोले यस अघिका व्यवसायिक सहयात्राहरु सफलापूर्ण अघि बढिरहेको कुरा व्यक्त गर्दै मोरंग व्यापार संघका नवनिर्वाचित अध्यक्ष प्रकाश मुन्दडाज्यूले चाल्नु भएको यो यात्राले हाम्रो सम्बन्ध अझ विकसित हुने कुरा बताउनु भयो ।

श्री रामजीवन अग्रवालज्यू, पूर्व अध्यक्ष विराट व्यापार संघ, विराटनगर ।
१९÷२० वर्ष अघि स्थापना भएको विराट व्यापार संघलाई ६९ साल पुरानो नेपालकै जेठो उद्योग वाणिज्य संघ सँग बराबरी सम्झेको मा प्रकाश मुन्दडाज्यूलाई हार्दिक धन्यवाद दिनु भयो ।श्री शिव रिजालज्यू, नि.वर्तमान अध्यक्ष, विराट व्यापार संघ, विराटनगर ।

हामी सम्पूर्ण मिलेर सरकारलाई घच्घचाउँदै संयुक्त अभियानमा अघि बढि रहेको ले व्यवसायिक यात्रामा सफल भएका छौं । बेला बखतमा हामीलाई सम्झीएर सहयात्राको हात अघि बढाउनु भएको मा नवनिर्वाचित मोरंग व्यापार संघका अध्यक्ष प्रकाश मुन्दडाज्यूलाई हार्दिक धन्यवाद दिदै सँगसँगै अघि बढ्ने प्रतिवद्धता व्यक्त गर्नुभयो ।

श्री सुजन थापाज्यू, अध्यक्ष, विराट व्यापार संघ, विराटनगर ।
हातेमालो गरेर अघि बढ्ने, काम गरेर देखाउन प्रकाश मुन्दडाज्यू अध्यक्ष बन्नु भए जस्तै म पनि अध्यक्ष बनेको छु ।