.gif)
शिव भट्टराई, रातो तारा डट कम,मोरङ्गको सुन्दरहरैँचा नगरपालिकामा डेंगूका बिरामी बढ्ने क्रममा ८ जना संक्रमि फेला परे पछि उच्च सतर्कता अपनाउन स्वास्थ्य कर्मीले आग्रह गरेका छन्।
नगरपालिकाका बिभिन्न कर्मचारी समावेश टोलीले बिभिन्न वडाहरुमा लामखुट्टे नियन्त्रणका लागि बिषादी छर्किएको नगरपालिकाका प्रमुख शिव ढकालले बताउनुभयो।लगातार डेंगूका संक्रमि बढ्ने क्रम जारी रहेपछि उहाँले नगरपालिकाका बिभिन्न वडाहरुमा फेरी भोली बुधबार देखि निरन्तर बिषादी छिट्ने बताउनु भएको छ।
सुन्दरहरैँचा नगरपालिका १०की २८बर्षीया कोपिला दाहाल, वडानम्बर १०कै देवेन्द्र दाहाल, वडा नं ४ का ७२ वर्षका नारायण सुवेदी, वार्ड नं ४ कै २८ वर्षकी गंगा सुवेदी(स्मिता) , वडा नं ४ कै लक्ष्मी प्रसाद गौतम , वडा नम्बर ५की २५बर्षीया यमुना गुरुङ, वडानम्बर ५कै पर्वल गुरुङ, वडा नम्बर ४स्थित कृष्ण पेट्रोल पम्पका मजदुर ३५बर्षीय अरुण साहलाई हाल सम्म डेंगुको संक्रमण देखिएको नगरपालिका श्रोतले जनाएको छ।
नगरपालिकाले सडक छेउमा रहेका टायर , फोहोर मैला हटाउन आग्रह गरेपनि नटेरेकाले भोली बुधबार देखि नगरपालिकाले आफै जफत गर्ने सुन्दरहरैचा नगरपालिकाका स्वास्थ्य संयोजक भीम कुमार चौधरीले बताएका छन्।
Post a Comment