परराष्ट्र नीति सबैको धारणा एउटै हुनुपर्नेमा प्रधानमन्त्रीको जोड

काठमाण्डौ असार १५ गते । रातो तारा डट कम,प्रधानमन्त्री केपी शर्मा ओलीले परराष्ट्र नीतिका सम्बन्धमा देशको दृष्टिकोण एउटै हुनुपर्नेमा जोड दिनुभएको छ । परराष्ट्र नीति सम्बन्धमा राष्ट्रिय कार्यक्रमको उद्घघाटन गर्दै प्रधानमन्त्री ओलीले यस्तो बताउनुभएको हो । प्रधानमन्त्री ओलीले नेपालले अब राजनीतिक कूटनीतिमा मात्र हैन आर्थिक कूटनीतिमा पनि ध्यान दिनुपर्ने बताउनुभयो । प्रधानमन्त्री ओलीले राष्ट्र निर्माण, नेपाल एकीकरण र सार्वभौमसत्ताको रक्षाको लागि विगतमा योगदान गर्ने सबैलाई आफूले स्मरण गर्न चाहेको बताउनुभयो । विगतमा भन्दा नेपालको छिमेक सम्बन्ध सङ्लिएको उहाँले बताउनुभयो । प्रधानमन्त्री ओलीेले नेपाल केही समय पछि परेपनि अब त्यो स्थिति धेरै दिन कायम नरहने बताउनुभएको

छ ।