बिरामी हेर्न आएका व्यक्ति नै अस्पतालमा बन्धक-मापदण्ड बिपरित सन्चालित यो अस्पताल लाइ कार्यवाही हुनैपर्छ

विराटनगर,जेठ २१ गते । रातो तारा डट कम, विराटनगरको गोल्डेन अस्पतालमाथि बिरामी हेर्न आएका व्यक्तिलाई नै बन्धक बनाएर राखेको आरोप लागेकोछ । दुर्घटनामा घाइते भएर उपचाररत ४५ वर्षीय दुखन दासलाई हेर्न आएका भारतको बिहारस्थित मिल्कीडुमरियाका ३५ वर्षीय सत्यनारायण दासलाई बन्धक बनाएर राखेको आरोप लागेको हो । आफन्तले पठाएको ५८ हजार भारतीय रुपैयाँ पनि अस्पतालमा जम्मा गरिदिने तयारी गरेर सत्यनारायण विराटनगर आएका थिए ।

यही जेठ ५ गते दुर्घटनामा परेर घाइते भएका दुखनको गोल्डेन अस्पतालमा टाउकोको शल्यक्रिया गरिएको थियो । आईसीयूमा उपचाररत उनको औषधि र उपचार बापतको खर्च समयमा नबुझाएको आरोप लगाउँदै अस्पतालले सत्यनारायणलाई बन्धक बनाएर राखिदिएको जनाइएको छ । घाइते दुखनका सालो पप्पुकुमार दासका अनुसार बोकेको पैसा र मोटरसाइकल खोसेर मान्छे नै बन्धक बनाएर राखिएको हो । आर्थिक अवस्था कमजोर भएको परिवारले खोजखाज गरेर ५८ हजार रुपैयाँ पठाएको र बाँकी पैसा केही दिन भित्रमै तिर्ने तयारी गरेको पप्पुकुमारको भनाइ छ ।

पप्पुकुमारका अनुसार उपचार र औषधिमा लागेको सबै पैसा नतिरेसम्म बन्धक बनाइएकालाई नछाड्ने अडान अस्पतालले लिएको छ । अस्पतालका प्रशासकीय अधिकृत सन्तोश मेहताले दुखनको उपचारमा लागेको मध्ये २ लाख ६० हजार भारतीय रुपैयाँ तिर्न बाँकी रहे पनि १ लाख छुट गरेर १ लाख ६० हजार मात्रै माग गरिएको बताउनु भयो । उपचारमा लागेको पैसा बुझाउन परिवारका सदस्यले आलटाल गरिरहेको तर अस्पतालले कोही कसैलाई बन्धक नबनाएको उहाँको भनाइ छ । अनलाइन बाट