विराटनगरका शिक्षादिप,अरनिको र मेरिल्याण्ड कलेज काठमाण्डौंमा सम्मान

विराटनगर । विराटनगरमा रहेको शिक्षादिप कलेज ,अरनिको कलेज र मेरिल्याण्ड कलेजले फेरी अर्को सफलता हात पारेका छन् । फोकस नेपालले शिक्षा तर्फ प्रदेश १ बाट शिक्षादिप , अरनिको र मेरिल्याण्ड कलेजले शिक्षा सेवा सम्मान प्राप्त गरेका छन् ।

काठमाण्डौंमा आज फोकस नेपालले एक  कार्यक्रमको आयोजना गरेर तीनै  कलेजका प्रिन्सिपललाई पूर्व प्रधानमन्त्री माधव नेपालले शिक्षा सेवा सम्मान प्रदान गरेका थिए । देशमा उत्कृष्ट शिक्षा प्रदान गर्दै आएका भन्दै ४ हजार ८ सय कलेज मध्ये प्रदेश १ बाट विराटनगरका शिक्षादिप ,अरनिको र मेरिल्याण्ड कलेजले कलेजलाई फोकस नेपालले सम्मान गरेको हो । शिक्षादिपका तर्फबाट कलेजका प्रिन्सिपल ज्ञानबहादुर खडका ,अरनिकोका तर्फ कलेजका प्रिन्सिपल राजेश कार्की र मेरिल्याण्डका तर्फ कलेजका संस्थापक भेषराज पोखरेलले सम्मान ग्रहण गरेका थिए ।

यस सम्मानले विराटनगर प्रदेश १ को राजधानी मात्र नभइ शिक्षाको पनि राजधानी भएको हिसान मोरङका अध्यक्ष राजेश कार्कीले बताए । उनले भने यस सम्मानले थप हौसला बढाएको बताए । त्यस्तै शिक्षादिप कलेजका प्रिन्सिपल ज्ञानबहादुर खडकाले यस सम्मानले  अव विराटनगर शैक्षिक हव भएको बताए ।

अव प्रदेश १ का सवै कलेजलाई देशभरिको उत्कृष्ट कलेज बनाउँने अभियानमा लाग्ने हिसान मोरङका सल्लाकारसमेत रहेका प्रिन्सिपल खडकाले बताए । त्येसै गरि पर्यटन क्षेत्रमा उत्कृष्ट गरेवापत विराटनगर–९ मा रहेको स्वागतम होटलका सञ्चालक राजन श्रेष्ठसमेत सम्मानित भएका छन् ।