ट्याक्टर दुर्घटनामा १ को मृत्यु

खोटाङ, असार ६ गते । रातो तारा डट कम,खोटाङको रावावेसी गाउँपालिका-३ ठूलोआहाल भन्ने स्थानमा बिहीवार ट्याक्टर दुर्घटनामा परि १ जनाको मृत्यु भएको छ ।

राती साढे ९ बजेको समयमा सोही ठाउँका दान बहादुर श्रेष्ठको पार्किङ गरेर राखेको ना. ५ त. ६६०० नम्बरको ट्याक्टर चालक घर बिदा गएकोमा ट्याक्टरका सह-चालक बर्ष २३ को नबिन भुजेलले चलाउने क्रममा सडकबाट अन्दाजी ३०/ ३५ मिटर तर खसेर दुर्घटना भएको थियो ।

दुर्घटनामा गम्भीर घाइते भुजेललाई उपचारको लागि स्वास्थ्य चौकी लामीडाँडा लगिएकोमा उपचारको क्रममा राती नै मृत्यु भएको जिल्ला प्रहरी कार्यालय खोटाङले जनाएको छ ।