.gif)
मोहन कुमार राई-जेष्ठ २० गते । रातो तारा डट कम, संखुवासभा-संखुवासभाको चैनपुरमा आजबाट स्थानीय तह
र संचारवीच तालिम तथा अन्तरक्रिया कार्यक्रम शुरुभएकोछ ।
संखुवासभा काठमाण्डौ जर्नालिष्ट एसोसियसन (एसकाज) को आयोजना तथा नेपाल सरकार संघिय मामिला तथा सामान्य प्रशासन मन्त्रालयको सहयोगमा कार्यक्रम गरिएको थियो । संखुवासभाको १० वटै स्थानीय तहका प्रमुख, उप प्रमुख , प्रशासकीय अधिकृत र जिल्लाका क्रियाशिल संचारकर्मीहरुको सहभागिता रहेको थियो ।
उद्घाटन समारोहलाई सम्बोधन गर्दै चैनपुर नगपालिकाका प्रमुख भरतकुमार खत्रीले तालिमबाट जिल्लाका जनप्रतिनिधि र संचारकर्मी वीच सहकार्यको माध्यमबाट जनचाहना बमोजिम विकास र आर्थिक समृद्धी हासिल गर्न थप सहजता आउने धारणा राख्दै आयोजकलाई धन्यबाद दिनुभयो ।
यसै गरी प्रमुख अतिथि गौतमले संखुवासभा भौगोलिक जटिलताका कारण विकासमा समस्या भैरहेको भन्दै जनप्रतिनिधि र सञ्चारकर्मीवीच यस्ता सहकार्यले विकास निर्माण र जनताले चाहेको समृद्धी हासिल गर्न थप सहजता आउने वताउनुभयो ।
एसकाजका महासचिव उद्व भट्टराईले संचालन गर्नुभएको सभालाई सम्बोधन गर्दै काँग्रस सभापति दिपन कुमार श्रेष्ठले विकास, समृद्धि र सुशासन कायम गर्न संचार माध्यमको ठूलो भूमिका रहने वताउदै प्रेस स्वतन्त्रता विना विकास र समृद्धि कुनै हालतमा हासिल हुन नसक्ने बताउनुभएको थियो ।
यसै गरी कार्यक्रममा नेकपा नेता उमेश कुमार डाँगीले जनप्रतिनिधि र सञ्चारकर्मीको योगदानबाट जनताले चाहेजस्तो विकास निमार्ण र आर्थिक समृद्धि ल्याउन सकिने धारणा राख्नुभयो । कार्यक्रममा जिल्ला समन्वय इकाइ उप प्रमुख अम्बिका भुजेल, पत्रकार महासंघ जिल्ला शाखा संखुवासभाका अध्यक्ष इन्द्र गिरी लगायतले आ–आफ्ना धारणा राखेका थिए ।
कार्यक्रममा सञ्चारकर्मी , जनप्रतिनिधि, सूचना अधिकारी लगायत ३ दर्जन बढी सहभागीहरुको उपस्थिति रहेको तालिम तथा अन्तरक्रिया कार्यक्रममा नेपाल सरकारका पूर्वं सचिव डा. शारदा प्रसाद त्रिताल, डा. टंक उप्रेती र एसकाजका पूर्व अध्यक्ष दीपेन्द्र वान्तावाले प्रशिक्षण दिनुभएको थियो ।
प्रशिक्षण कार्यक्रममा विकास र सञ्चारकर्मीको भूमिका, आपसी सहकार्यको भावना बढाउन लेख्नुपर्ने भूमिका, नेतृत्वप्रति जनताले राखेको अपेक्षा र त्यस प्राप्तीको लागि सञ्चार लगायतको विषयवस्तुको छलफल गरिएको थियो ।
Post a Comment