अबैध समान बरामद

झापा, जेष्ठ १९ गते । रातो तारा डट कम,झापाको मेचीनगर नगरपालिका-६ चर्च एरियाबाट प्रहरीले शनिवार अन्दाजी ७ लाख २० हजार रुपैयाँ बराबरको अबैध समान बरामद गरेको छ ।

ईलाका प्रहरी कार्यालय काकडभिट्टाबाट खटिएको प्रहरी टोलीले दशगजा क्षेत्रमा रोकी राखेको को १ त १७५१ नम्बरको ट्याक्टरलाई शंका लागि चेकजाँच गर्ने क्रममा लुकाई छिपाई राखेको मटर ३० बोरा र मरिच ३० बोरा बरामद गरेको थियो ।

 यसै गरी सोही कार्यालयबाट खटिएको प्रहरी टोलीले बेलुका ६ बजेको समयमा मेचीनगर नगरपालिका-७ बाट अवैध रुपमा भन्सार छलि भारतबाट नेपाल तर्फ ल्याउँदै गरेको अन्दाजी ९५ हजार मूल्य बराबरको कोट पाईन्टको कपडा रोल-१० थान र लेडिज कपडा -२ पोका बरामद गरेको थियो ।

बरामद सामान सहित ट्याक्टर आवश्यक कारवाहीको लागि आज मेची भन्सार कार्यालय काँकडभिट्टामा बुझाईने इलाका प्रहरी कार्यालय काँकडभिट्टाले जनाएको छ ।