पुलिस फाइनलमा प्रबेश

काठमाण्डौ जेष्ठ २४ गते । रातो तारा डट कम,विभागीय टिम नेपाल पुलिस क्लबले प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताको फाइनलमा प्रवेश गरेकोछ ।भएको दोस्रो सेमिफाइनलमा विभागीय डर्बी क्लब एपीएफलाई पाँच विकेटले पराजित गर्दै पुलिस उपाधि नजिक पुगेको हो ।

पुलिसले पर्सि शनिबार हुने फाइनलमा अर्को विभागीय टिम त्रिभुवन आर्मी क्लबसंग खेल्ने

छ ।आर्मी प्रदेश ३ लाई हराएर यसअघि नै फाइनल पुगिसकेको छ । कीर्तिपुरस्थित टियु क्रिकेट मैदानमा एपीएफले दिएको ४२ रनको सामान्य लक्ष्य पुलिसले नौ ओभर तीन बलमा पाँच विकेट गुमाएर पुरा गरेको हो । 

यसअघि टस हारेर पहिले ब्याटिङ गरेको एपीएफले २२ ओभर एक बलमा अलआउट हुँदै ४१ रन बनाएको थियो.। प्रतियोगिताको विजेताले २० लाख र उपविजेताले १० लाख रुपैयाँ प्राप्त गर्नेछ । प्रतियोगिताको उत्कृष्ट खेलाडीले मोटरसाईकल प्राप्त गर्नेछ ।