करेण्ट लागेर १ को मृत्यु

सुनसरी, असार ६ गते । सुनसरीको बर्जु गाउँपालिका-६ चिमडी बजारमा करेन्ट लागेर एक जनाको मृत्यु भएकोछ।

बिहिवार राती साढे ९ बजेको समयमा  बर्ष ५० का नन्द किशोर साह आफ्नै घरको शौचालय जान बिजुली बाल्ने क्रममा अचानक करेन्ट लाग्दा गम्भीर घाईते भएका थिए ।

घाईतेलाई उपचारको लागि बिराटनगरको बिराट नर्सिङ होम लगेकोमा उपचारको क्रममा राती १० बजे मृत्यु भएको जिल्ला प्रहरी कार्यालय सुनसरीले जनाएको छ ।