उदयपुरको त्रियुगा नगरपालिका परिसमा प्रेसर कुकर बम फेला पर्यो

श्याम राई,उदयपुर गाईघाट,असार ६ गते । रातो तारा डट कम,
उदयपुरको त्रियुगा नगरपालिका परिस भित्र शुक्रबार विहान रातो झोला भित्र प्रेसर कुकर बम फेला परेको छ ।

नगरपालिका भित्र सरसफाई गर्ने क्रममा शुक्रबार विहान ६.३० बजे झोला भित्र बेरेर राखेको अवस्थामा प्रेस कुकुर देखेपछि जिल्ला प्रहरी कार्यालय उदयपुरलाई जानकारी गराएका थिए ।

जानकारी गराए लगतै  जिल्ला प्रहरी कार्यालय उदयपुर, नगर प्रहरी कार्यलय गाईघाटका टोली घटनास्थल आई अनुसन्धान गरिरहेको जिल्ला प्रहरी कार्यालय उदयपुरका एस.पी. विर वहादुर बुडामगरले जनाएको छ ।

उक्त संकास्पद बस्तु डिसपोजको लागि १८ नम्बर बाहिनी भुल्केबाट आएको नेपाली सेनाले डिस्पोज गर्ने क्रममा  प्रेसर कुकर भित्र कपडाको टुक्रा, तार र टेप रहेको सेनालाई उधृत गर्दै जिल्ला प्रहरी कार्यालयल उदयपुरले जनाएको छ ।

नगरपालिका परिसर भित्र कसले प्रेसर कुकर बम राखेको हो भन्ने पत्ता लागेको छैन । विस्तृत रुपमा थप अनुशन्धान भईरहेको प्रहरी प्रमुख एस.पी. बुडामगरले बताए।