इन्टरनेट सेवाप्रदायक, केवल अपरेटरले टाँगेका तार बिधुत खम्वाहरुबाट तुरुन्तै हटाउन निर्देशन

काठमाण्डौ असोज १३ गते । रातो तारा डट कम,नेपाल दूरसञ्चार प्राधिकरणले दशैँ अगाडी शहरी क्षेत्रमा अव्यवस्थित तार हटाउन सेवा प्रदायक कम्पनीलाई निर्देशन दिएको छ । गम्भीर दुर्घटनासमेत भएको तर तार राख्ने निकायले त्यसप्रति कुनै जिम्मेवारी नै नलिएको भन्दै प्राधिकरणले त्यस्ता तार तत्काल व्यवस्थित गर्न अनुरोध गरेको हो । 

अन्यथा त्यस्ता तार हटाइदिने चेतावनी प्राधिकरणले दिएको छ । अव्यवस्थित तारका कारण शहरी क्षेत्रमा दुर्घटना बढेको र आगलागीका घटना समेत बढेकोले नियन्त्रणका लागि पहिलो चरणमा सम्बन्धित निकायलाई ध्यानाकर्षण गराई दशैँ अगाडी तार व्यवस्थित गर्न आग्रह गरिएको प्राधिकरणका प्रवक्ता मीनप्रसाद अर्यालले सीआईएनलाई जानकारी दिनुभयो ।

इन्टरनेट सेवाप्रदायक, केवल अपरेटरले टाँगेका तार झुण्ड्याउने तथा सडक पार गराउने लगायतको कार्य गरेकाले शहरको सुन्दरतामा नै ह्रास आएको प्राधिकरणको भनाइ छ ।