गाईघाट भदौ ३० गते । रातो तारा डट कम,असारको अन्तीम साता भएको भिषण वर्षाको कारण गाईघाट दिक्तेल सडकको विभिन्न ठाउमा सडक ग्राभेल ह्युम पाइप बाढी पहिरोले बगाउदा ११ करोड ३० लाख रुपैया बराबरको क्षती भएको छ । गाइघाट– दिक्तेल सडक आयोजनाले यो वर्ष उक्त सडक खण्डमा सबैभन्दा बढी क्षती पुगेको जनाएको छ । ‘ आयोजना शुरु भएको झण्डै २५ वर्ष पछि पहिलो पटक यो साल सडक निर्माण को काममा धेरै क्षती पुगेको हो ।
गाईघाट– दिक्तेल सडक आयोजनाका साइट ईन्चार्ज निर्जन श्रेष्ठले बताए । ‘ अहिले सम्म आर्थिक रुपमा यति धेरै क्षति भएको थिएन ।’ उनले भने – वर्षाको कारण आएको बाढी , पहिरोले उक्त सडक खण्डको साउने, रानीबास, फोक्सीनटार र सिम्पानी देखी माहुरेसम्म को सडक खण्डमा धेरै क्षती पुगेको साइट इन्चार्ज श्रेष्ठ ले बताए ।
उक्त खण्डमा पहिरोले सडक बगाएको , ग्याविन सहितको नाला भत्काएको , कालो पत्रे पुरै बगाएर कामै नलाग्ने भएको सडकको तथ्याङ्कमा उल्लेख छ । त्यसैगरी त्रियुगा नदी स्थीत पक्कीपुलको सबै साइटमा नदीको बाढीले तिव्र कटान गरी पुल लाई सामान्य क्षति पु¥याएको र तत्कालै रोकथाम गरी ठूलो क्षती हुन बाट जोगाएको श्रेष्ठले बताए ।
आयोजना ले हेर्दै आएको सीवाई पुललाई समेत बाढीले क्षती पु¥याएको उनले बताए । बाढी पहिरोले सडक कटान धेरै ठाउमा बाटो बगाएकोले १५ दिन सम्म यातायात सेवा ठप्प भएको र आयोजना कार्यालय बाट तत्काल मर्मत संभार गरी यातायात सूचारु गरेको योजना प्रंमुख पशुपति ज्ञवालीले बताए । ‘ अहिले सडक मर्मत संभार र नया संरचना निर्माणको काम शूरु गरेका छौँ । ’ उनले भने ।
Post a Comment