श्याम राई-गाइघाट भदौ ३० गते । रातो तारा डट कम,सिभिल हस्पीटल गाइघाटका चिकीत्सकको लापरवाहीका कारण एक महिला जीवन मरणको संघारमा पुगेकी छिन् । मासीक श्राव रोकिएकी स्थानिय एक महिला गत बैशाखमा उपचार गराउन उक्त अस्पतालमा पुगेकी थिइन् ।
अस्पतालका चिकीत्सक डा. अजीज ले विभिन्न जाँच मार्फत पेटमा बच्चा रहेको प्रमाणीत गरेपछि ती महिलाले क्युरोड गरेकी थिइन् । पहिलो क्युरोड पछि रक्तश्राव निरन्तर भएपछि ती महिला पूःन सिभिल हस्पीटल पुगेकी थिइन् । तीनै डाक्टरले दोस्रो पटक पनी उनलाई क्युरोड गरेका थिए । तर ती महिलाको रक्तश्राव भने रोकीएको थिएन । मानसीक र शारीरीिक रुपले कमजोर बनेकी उनले आफ्नो अवस्थाबारे काठमाण्डौमा रहेका श्रीमान् लाइ अवगत गराएर घर बोलाएका थिए ।
पिडीत ३८ वर्षिया कमला रोका यतिखेर क्यान्सर रोग संग जुधीरहेकी छिन् । उनलाई चिकीक्त्सक कै कारण क्यान्सर भएको श्रीमान् दुर्गाले बताए । ‘ श्रीमतीको पेटमा कुनै बच्चा थिएन । पाठेघर मा ट्युमर रहेको र त्यसलाई लापरवाही ढङ्गले काटेको कारण नै क्यान्सर भएको रहेछ ।’ उनले भने ।
उनलाई श्रीमतीको अवस्था जटील बनेपछि तत्कालै सिभिल हस्पीटल काठमाडौँ लगेर उपचार गरीएको उनले बताए । सिभिल हस्पीटल काठमाडौँका चिकीत्सकले पाठेघर परिक्षण बाट बच्चा नरहेको तर केही डल्ला रहेको पुष्टी गरेका थिए । उक्त डल्ला पनि पटक पटक काटिएकोले सो ठाउमा क्यान्सरको संक्रमण फैलीएको पुष्टी गरेको उनले बताए । उनले अहिले श्रीमती को १२ साइकल किमो थेरापी गरीसकेको बताए । ‘अब दुई साइकल किमो दिन बाकी छ ।
श्रीमती को अवस्था बारे केही भन्न नसकीक्ने अवस्था छ । ’ उनले भने । ‘ अहिले म पिडामा डुबेको छु । गलत तरीकाले उपचार गर्ने डाक्टरमाथी कारवाही होस् ।’ उनले भने ‘श्रीमतीको उपचारमा अहिले सम्म झन्डै ९ लाख रुपैया खर्च भैसकेको उनले बताए । ‘म नीम्न स्तरको मान्छे । रीणपान गरेर केही रकमको जोहो गरे । घर बारी साहुलाई बुझाइसके । अव मैले कस्तो न्याय पाउछु । ’ उनले भने ।
पीडित का श्रीमान् दुर्गाले घटनाको बारेमा आइतबार पत्रकार सम्मेलन गरेर सबै वृतान्त सुनाएका थिए । उनले लापरवाही पूर्वक उपचार गर्ने चिकीत्सक अजीज लाई कानुनी कार्यवाही गरीनु पर्ने र पिडीतलाई क्षतिपुर्ति दिन माग समेत पत्रकार सम्मेलनमा राखेका थिए ।
Post a Comment